रवी ओड र अस्मिता अधिकारीले गाएको हामी किसानी गीत आयो

जेठ २७, काठमाडौं । गीतकार गोकर्ण रुपाखेती शर्माको हामी किसानी युटुवमार्फत सार्वजनिक गरिएको छ । रुपाखेती शर्माले आफ्नै गोकर्ण प्रोडक्सन युटुव च्यानल मार्फत उक्त गीतको भिडियो शुक्रबार सार्वजनिक गरेका छन् । 

नेपाल आईडलका विजेता रवी ओड र प्रतिष्पर्धि अस्मिता अधिकारीको स्वरमा रहेको गीतमा लेखु सहयात्रीको संगीत रहेको छन् । काठमाडौंको धर्मस्थलीमा छायांकन गरिएको भिडियोको छायांकन तथा सम्पादन राजन खरेलले गरेका छन् । भने, माधव राज खरेलको निर्देशन रहेको छ । भिडियोमा गोकर्ण रुपाखेती शर्मा, दिपक सुवेदी, राजन थापा लगायतलाई देख्न सकिन्छ । 

null

उक्त गीतमा गीतकार रुपाखेती शर्माले गाउँ छोडेर विदेशीने युवाहरुलाई स्वदेशमै परिश्रम गर्न र कृषि, पशुपालन लगायतका व्यवसायलाई प्रवर्दन गर्न प्रोत्साहीत गरेका छन् । 

पछिल्लो समय सम्पुर्ण नेपाली युवाहरु गाउ छोडेर खाडी मुलुकमा पसिना बगाउने गर्दछन् तर आफ्नै जमिन गाउमा बाझो हुदै गएको छ । गाउ घरमा बृद्ध बृद्धा तथा वालवालिका मात्रै रहेको यथार्थलाई गीतकारले प्रस्तुत गरेका छन् ।