यी हुन् धादिङ दुर्घटनामा ज्यान गुमाउनेहरु (नामसहित)

असार ६, काठमाडौं । धादिङमा बोलेरो दुर्घटनामा हुँदा ज्यान गुमाएका र घाइते भएकाहरुको पहिचान खुलेको छ । 

धादिङको गल्छी गाउँपालिकामा शुक्रबार गल्छी–६ बाजगाउँस्थित भित्री कच्ची सडकखण्डबाट बैरेनी हाइवेतर्फ आइरहेको बा१८च ९४०८ नम्बर बोलेरो दुर्घटना हुँदा ५ जनाको मृत्यु भएको थियो भने १० जना घाइते भएका थिए । 

null

ज्यान गुमाउनेहरुमा गल्छी गाउँपालिका ४ का ३८ वर्षीय राजु रम्तेल, सोही ठाउँका ३२ वर्षीय सेतु मिजार, गल्छी ६ की ३० वर्षीया कान्छी भुजेल, सोही ठाउँकी २५ वर्षीय नानु तामाङ र गल्छी गाउँपालिका ४ बस्ने २१ वर्षीय सबिता अधिकारी रहेका छन् । 

त्यस्तै घाइते हुनेमा गल्छी गाउँपालिका–४ बस्ने बर्ष ६२ को विष्णु अधिकारी, सोही ठाउँकी ३५ वर्षीय सुनिता मिजार, २३ वर्षीय सुजिता अधिकारी, १५ वर्षीय सन्तोष रम्तेल, ७० वर्षीय कृष्ण सार्की, २८ वर्षीय रेनु भण्डारी र ३५ वर्षीय राम कृष्ण प्याकुरेल रहेका छन् । 

घाइते सबैको अवस्था गम्भीर रहेको प्रहरीले जनाएको छ । ३ जनाको भने नाम थर वतन खुल्न सकेको छैन । प्रहरीका अनुसार उनीहरु तीनै जनाको अवस्था पनि गम्भीर छ । 

गल्छी अस्पतालमा सामान्य उपचार पश्चात् थप उपचारको लागी घाइतेहरुलाई ट्रमा सेन्टर रिफर गरिएको प्रहरीले जनाएको छ ।