प्रतिबन्धित लागूऔषध सहित ३ पक्राउ
मकालु खबर
असार १३, कावासेती । प्रहरीले नवलपरासीको मध्यविन्दु नगरपालिका–१५, चोरमाराबाट प्रतिबन्धित लागूऔषध सहित ३ जनालाई पक्राउ गरेको छ ।
पक्राउ पर्नेमा भैरहवाबाट काठमाडौँका लागि छुटेको लु १ ख ९११३ नंको बसमा सवार काठमाडौँ महानगरपालिका–२ बस्ने २५ वर्षीय सन्दीप रजक रहेको छ ।
null
पक्राउ परेको उनको साथबाट लागूऔषध नुर्फिन ११९ थान, डाइजापाम ११५ थान र फेनरागन ११८ थान गरी जम्मा ३५२ थान साथै प्रयोग भइसकेको सिरिन्ज तीन थानसमेत फेला पारिएको प्रहरीले जानकारी दिएको छ ।
त्यसैगरी बझाङबाट काठमाडौँका लागि छुटेको ना ६ ख १३३३ नंको बसमा सवार २ व्यक्ति लागूऔषध सहित पक्राउ परेका छन् ।
पक्राउ पर्नेमा ललितपुरका २६ वर्षीय विक्रम थोकर र ललितपुरकै महालक्ष्मी नगरपालिका–३ का ३७ वर्षीय श्यामसुन्दर पौडेल रहेको प्रहरीले जनाएको छ ।
पक्राउ परेका उनीहरुको साथबाट लागुऔषध नुर्फिन १०९ थान, डाइजापाम १०९ थान र फेनरागन १०९ थान गरी जम्मा ३२७ थान लागुऔषध फेला पारिएको छ ।
प्रहरीका अनुसार हाल उनीहरुलाई आवश्यक कारवाही अघी बढाई थप अनुसन्धान भईरहेको छ ।
मकालु खबर
