समुदायबाट रकम संकलन गरी उपत्यकामा ७४ वटा सीसी क्यामरा जडान

असार २, काठमाडौं । महानगरीय प्रहरी वृत्त, बानेश्वरले अपराध अनुसन्धानमा सहयोग पुग्ने उद्देश्यले काठमाडौँमा ७४ वटा सीसी क्यामेरा जडान गरेको छ । 

वृत्तका प्रमुख डीएसपी गोविन्दराज काफ्लेको अगुवाइमा प्रहरी वृत्त बानेश्वरले समुदायबाट ३७ लाख ३५ हजार रुपैयाँ संकलन गरी काठमाडौंका विभिन्न स्थानमा ७४ वटा सीसी क्यामेरा जडान गरेको हो । 

null

सोमबार सीसी क्यामेराको उद्घाटन गर्दै महान्याधिवक्ता अग्निप्रसाद खरेलले यसको माध्यमबाट प्रहरीले अपराधको सफल अनुसन्धान गर्न सक्ने विश्वास व्यक्त गरे । 

सीसी टीभीमार्फत् प्रहरीलाई अपराध अनुसन्धान गर्न तथा अपराधिलाई कानुनको दायरामा ल्याउन सहज हुने उनको भनाइ छ ।