विप्लव समूहका नेता पक्राउ परेपछि रेखा थापाको यस्तो आक्रोश

असार १०, काठमाडौं । नायिका रेखा थापा नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका अन्तर्राष्ट्रिय विभागका सदस्य तथा चलचित्र ‘मालिका’ का निर्माता नरबहादुर कार्की पक्राउ परेपछि आक्रोशित भएकी छिन् । 

नायिका थापाले सामाजिक अभियान्ता एवम् अन्तर्राष्ट्रिय मोटिभेटर नरबहादुरलाई अपराधी जसरी पक्राउ गरेको भन्दै आक्रोश पोखिन् । 

null

सामाजिक सञ्जाल फेसबुकमा उनले लेखेकी छिन्, ‘राज्य आतंकको वर्तमान रुप आफ्नै आँखाले देखियो आज । सामाजिक अभियन्ता अन्तर्राष्ट्रिय मोटिभेटर नरबहादुर कार्कीलाई एक अपराधी जसरी प्रहरीले पक्राउ गरेको छ । कुनै व्यक्ति कुनै पार्टीका नेताको समर्थक हुन नपाइने यो कस्तो गणतन्त्र हो ?’ 

कार्कीलाई सोमबार बालुवाटारस्थित एक रेस्टुरेन्टबाट प्रहरीले पक्राउ गरेको थियो ।