फ्राइडे रिलिजमा प्रेम दिवस र झट्काको टक्कर

जेठ ३१, काठमाडौँ । आज फाईडे रिलिजको नियम पालना गर्दै नेपाली दुई चलचित्र ‘प्रेम दिवस’ र ‘झट्का’ एकसाथ प्रर्दशनमा आएको छ । 

चलचित्र ‘प्रेम दिवस’ नायिका प्रियंका कार्की र नायक आयुष्मान देशराज जोशीद्वारा अभिनित चलचित्र हो भने मुख्य पात्र हाँस्य कलाकार सुरवीर पाण्डेद्वारा अभिनित  चलचित्र ‘झट्का’ मा अधिकांश नयाँ कलाकारको अभिनय रहेकाे छ 

null

चलचित्र प्रेम दिवस चलचित्र ‘प्रेमदिवस’मा नायक आयुष्मान देशराज जोशी र  नायिका प्रियंका कार्की सँगै नव–कलाकार विशाल खरेललाई मुख्य पात्रको भूमिकामा देखाईएको छ । 

त्रिकोणात्मक प्रेमकथामा आधारित यस चलचित्रमा इलामको चिया उद्योगमा काम गर्ने युवा–युवती र उनीहरुको मालिककको कथा समेटिएर बनाइएकाे छ ।  

यस चलचित्रमा नायक आयुष्मानले एउटा पालप्रेमीको भूमिका निर्वाह गरेका छन् । यस चलचित्रलाई योगेश घिमिरे निर्देशिन गरेका हुन भने प्रदिप भारद्धाजले लेखेका हुन् । 

चलचित्र प्रर्दशनमा आउन १ दिन अघी यस चलिचत्रको काठमाण्डौको वीग मुभिजमा प्रिमियर शाे पनि गरिएको थियो ।  चलचित्रले ‘प्रेम दिवस‘ ले काठमाडाैँकाे  सिंगल थियटर र मल्टिप्लेक्समा थौरै स्थान पाएको छ । 

चलचित्र झट्का 

रमेश बिशुंखेलेद्वारा निर्देशित यस चलचित्र श्यानोन फिल्म्स एन्ड इन्टरटेरमेन्टको ब्यानरमा निर्माण भएको हो । यस चलचित्रका मुख्य कलाकार सुरवीर पाण्डे हाँस्य टेलिश्रृंखलाका लोकप्रिय पात्र हुन् । 

यस चलचित्रमा उनका साथै अन्य कलाकार श्याम लाल श्रेष्ठ, रक्षा गुरागाइँ, ईश्वर गुरुङ, मनिता श्रेष्ठ, उमेश बिसुङ्खे, हिक्मत कुवँर, प्रदिप काफ्लेको पनि अभिनय रहेको छ । 

गैह्रकानुनी धन्दामा आधारित राखिएर बनाईएको यस चलचित्र समसामयिक विषयवस्तु चित्रण गरी काठमाडौंको रात्रीकालीन जीवनलाई देखाउन खोजिएको छ । 

चलचित्रमा सुरवीरलाई फारक गेटअपमा देखाईनुका साथै उनलाई एउटा नेगेटिभ पात्रको भूमिकामा देखाईएको छ । यस चलचित्रलाई रमेश बिसुङ्खेले निर्देशन गरेका हुन् भने तुलसीलाल नेवा ले निर्माण गरेका हुन् । 

चलचित्र झट्कामा पुरुषोत्तम न्यौपानेको संगित, सुरेश पाण्डे र कृष्ण ब्लोनको कोरियोग्राफी रहेको छ भने जीवन पराजुली र बसन्त गौतमले छायांकन रहेको छ ।