बिवादै बिवादको बिचमा ‘साङ्लो’को फस्ट लुक्स सार्वजनिक, यस्तो देखिए निकिता र विराज

असार ६, काठमाडौँ । विवादै विवादको बिचमा नायक बिराज भट्टको डेब्यू निर्देशनमा तयार भएको चलचित्र ‘साङ्लो’को फस्ट लुक सार्वजनिक गरिएको छ । 

जेठ २७ गते बसेको डोटीको जोरायल गाउँपालिकाको बैठकले विकास बजेटबाट यस चलचित्रलाई १० लाख रुपैयाँ दिने निर्णय गरेपछी यस चलचित्र विवादित बन्न पुगेको हो । 

null

चलचित्रले डोटीको पर्यटन प्रर्वधनमा सहयोग गर्ने भएकाले ‘पर्यटन प्रर्वधन ’को शिर्षकमा उक्त रकम चलचित्रलाई दिइएको गाउँपालिका अध्यक्ष दुर्गादत्त ओझाले बताएका थिए । 

हाल ‘साङ्लो’को छाँयाकन डोटीमा भईरहेको छ । नायक तथा निर्देशक बिराट भट्ट र नायिका तथा पूर्व मिस नेपाल निकिता चण्डकको मुख्य भूमिका रहेको यस चलचित्र सामाजिक बिषय बस्तुमा तयार पारिएको छ । सार्वजनिक तस्बिरमा नायक भट्ट र नायिका चण्डकसँगै अन्य व्यक्ति पनि धान रोप्दै गरेको फिचरिङ गरिएको छ ।  

सार्वजनिक गरिएको लुक्समा रातो रातो सारिमा देखिएकी नायिका चण्डकले नायक भट्टको श्रीमतीको भूमिका निर्वाह गरेकी छिन् । प्रदर्शन मिति नतोकिएको यस चलचित्रको निर्माण पनि नायक भट्टले आफैंले गरेका हुन् ।