बाइकमा देखिए शाहरुख खान, के धूम–४ को तयारी हो ? (भिडियो)

असार १३, भारत ।  आजभन्दा २७ वर्षअघि शाहरुख खानले फिल्म दिवानाबाट बलिउडमा प्रवेश गरेका थिए । 

२७ वर्ष पुरा भएको खुसीमा शाहरुखका प्रशंसकले उनको ट्वीटर अकाउन्टमा उनलाई बधाई दिइरहेका छन् । यस्तै, शाहरुखले भिडियो सेयर गर्दै आफ्ना प्रशंसकलाई विशेष तरिकाले धन्यवाद दिएका छन् । यो भिडियोमा शाहरुखले आफ्नो डेब्यू फिल्म दिवानाको बाइक सीन रिक्रिएट गरिरहेको देख्न सकिन्छ । शाहरुखको यो बाइक अपियरेन्स उनको अर्को फिल्मको इशारा त होइन भनेर धेरैले अनुमान गरिरहेका छन् । 

null

भिडियोको ब्याकग्राउन्डमा बजिरहेको दिवाना फिल्मको गीतमा शाहरुख स्लो मोसनमा बाइक चलाउँदै क्यामराको नजिक आइरहेका छन् । यो भिडियोमार्फत् उनले आफ्ना प्रशंसकलाई प्रेम र समर्थनका लागि धन्यवाद दिँदै बलिउडमा आफ्नो जीवनको आधा हिस्सा बिताएको पनि जानकारी दिएका छन् । 

उनले भनेका छन्, ‘म आफ्नो पहिलो फिल्म दिवानामा ‘कोइ न कोइ चाहिए’ गीत गाउँदै मोटरसाइकलमा आएको थिएँ र मानिसहरुले मलाई आफ्नो मनमा स्थान दिनुभएको छ । संयोग नै भन्नुपर्छ मोटरसाइकल कम्पनीमा काम गरिरहेका मेरा साथीहरुले मलाई दुईवटा मोटरसाइलक पठाएका छन् । उनीहरु चाहन्छन् कि दिवानामा गरिएको स्टन्टलाई मैले पुनः दोहोराउँ ।’ 

यो भिडियो हेरेर उनीहरुका प्रशंसक यसलाई शाहरुखको अर्को प्रोजेक्ट ‘धूम ४’ को संकेत हुनसक्ने अनुमान गरिरहेका छन् । 

स्मरण रहोस्, शाहरुखको फिल्म दिवाना जून २५, १९९२ मा रिलिज भएको थियो । यसमा उनलाई दिव्या भारतीको अपाजिटमा कास्ट गरिएको थियो । फिल्ममा शाहरुखबाहेक ऋषि कपुर पनि थिए । फिल्म बक्स अफिसमा हिट भएको थियो । एजेन्सी