छोरीलाई बलात्कार गरेको आरोपमा मन्त्रालयका उपसचिव पक्राउ

जेठ २८, काठमाडौं । आफ्नै छोरीलाई जबरजस्ती करणी गरेको आरोपमा भौतिक पूर्वाधार तथा यातायात मन्त्रालयका उपसचिव पक्राउ परेका छन् । 

प्रहरीले सोमबार १८ वर्षीय छोरी बलात्कार गरेको आरोपमा उपसचिव ४५ वर्षीय रामाश्रय यादवलाई पक्राउ गरेको हो । 

null

उपसचिव यादवकी श्रीमती र छोरीले दिएको उजुरीका आधारमा प्रहरीले उनलाई नियन्त्रणमा लिएको हो । 

उनीहरुको घर महोत्तरी सोनमा गाविस–२ मा पर्छ । हाल ललितपुर धोविघाट बस्दै आएका छन् । ३–४ वर्षदेखि घरमा कोही नभएको मौकामा यादवले छोरीलाई डरधम्की देखाई करणी गर्दै आएको अनुसन्धानमा खुलेको महानगरीय प्रहरी परिसर ललितपुरले जनाएको छ । 

किशोरीले गत जेठ १९ गते बाबुले आफूलाई जबरजस्ती करणी गरेको भन्दै प्रहरीमा उजुरी दिएपछि यादवलाई घरबाटै सोमबार दिउँसो प्रहरीले नियन्त्रणमा लिएको हो । 

घटनाबारे थप अनुसन्धान भइरहेको प्रहरीले जनाएको छ ।