ट्याक्सी अनियन्त्रित भई दुर्घटना हुँदा १ को मृत्यु दुई घाइते

जेठ ३२, बागलुङ । गएराती १० बजेको समयमा बागलुङमा ट्याक्सी दुर्घटना हुँदा एक जनाको मृत्यु भएको छ भने २ जना घाईते भएका छन् । 

बागलुङको गलकोट नगरपालिकाको केन्द्र हटियादेखि गलकोट नगरपालिका–४ नुवाकोट जाँदै गरेको ट्याक्सी भेडीखोलामा खस्दा उक्त दुर्घटना हुन पुगेको हो । 

null

ध १ ज ५१३ नम्बरको ट्याक्सी रातको समयमा अनियन्त्रित भई सडकदेखि १५ मिटर तल भरर्दा उक्त दुर्घटना भएको प्रहरीले जनाएको छ । 

दुर्घटनामा परी गम्भिर घाइते भएका गलकोट नगरपालिका–४ नुवाकोट बस्ने मनबहादुर खत्रीको उपचारको क्रममा पोखरा स्थित मणिपाल शिक्षण अस्पतालमा शनिबार बिहान मृत्यु भएको प्रहरीले जनाएको छ । 

त्यसैगरी यस दुर्घटनामा परी घाइते भएका नुवाकोट निवासी सवारी धनी तथा चालक हुमबहादुर कुँवर र आयुष कार्की को सोही हस्पिटलमा उपचार भई रहेको प्रहरीले जनाएको छ । 

हाल घटनाबारे अनुसन्धान भईरहेको प्रमुख प्रहरी उपरिक्षक कृष्णहरी शर्माले जानकारी दिएका छन् ।