आचार्य महाश्रमण फिजियोथेरापी सेन्टर सञ्चालनमा

असार १९,असार ।  जैन स्वेताम्बर तेरापन्थ महिला मण्डलद्वारा नक्सालको नागपोखरीमा आचार्य महाश्रमण फिजियोथेरापी सेन्टर सञ्चालनमा ल्याईएको छ । 

जैन स्वेताम्बर तेरापन्थ महिला मण्डलले आशास हेल्थ केयर प्रा.लि.मा आवद्ध वरिष्ठतम् एवम् अनुभवी चिकित्सकहरुको सहयोगमा नक्सालको नागपोखरीमा असहाय, अशक्त, अपाङ्ग एवम् आर्थिक रुपमा कमजोर भएका व्यक्तिहरुलाई लक्षित गरी आचार्य महाश्रमण फिजियोथेरापी सेन्टर सञ्चालनमा ल्याएको हो । 

null

वरिष्ठ उद्योगपति, समाजेसेवी बुद्धिजीवीहरुको बृहत उपस्थितिमा भव्य कार्यक्रमको आयोजना गरी उक्त फिजियोथेरापी सेन्टरको उदघाटन गरिएको थियो । 

यस फिजियोथेरापी सेन्टरले असहाय, अशक्त, अपाङ्ग एवम् आर्थिक रुपमा कमजोर भएका व्यक्तिहरुलाई जैन स्वेताम्बर तेरापन्थमहिला मण्डलको सिफारिसमा निःशुल्क सेवा प्रदान गर्ने तथा अन्य व्यक्तिहरुको हकमा न्यूनतम् शुल्क लिई उक्त सेवा प्रदान गर्ने भनि जैन स्वेताम्बर तेरापन्थका अध्यक्ष रश्मि जैनले उक्त कार्यक्रममा जानकारी गराइन् । 

यस फिजियोथेरापी सेन्टर सञ्चालनका लागि जावलाखेलस्थित आशास हेल्थ केयरले मेडिकल सहयोग प्रदान गरेको अध्यक्षबाट उक्त कार्यक्रममा जानकारी गराइयो ।