प्रेमको गीत बन्न क्रिस्टिना फाईनल

असार १५, काठमाडौँ । लामो समय देखी हल्ला चलिरहेको ‘प्रेम गित ३’ को लागि लिड नायिका छनौट गरिएकाे छ । 

‘प्रेम गित ३’ को लागि अमेरिका बस्दै आईरहेकी नव नायिका क्रिस्टिना गुरुङ फाईनल भएको यस चलचित्रको निर्माण पक्षले जनाएको छ । 

null

बिगत केही समय देखी ‘प्रेम गित ३’ काे लागि नायिका छनौट प्रकिया चलिरहेको थियो । यस चलचित्रको लागि गितको भूमिका निभाउन करिब २७ सय भन्दा बढिले आवेदन भरेका थिए भने २५ जना छनोट गरेर अडिसन गरिएको थियो । 

सोही अनुसार सबैभन्दा उत्कृष्ट क्रिस्टिना गुरुङ भएकोले उनी ‘प्रेम गीत ३’ को गीत बन्न फाईनल भएको निमार्ण पक्षको भनाई छ । 

आगामी चैत्र २८ गते प्रदर्शन मिति तोकिएको यस चलचित्र छेतेन गुरुङ र निर्माता सन्तोष सेनले मिलेर निर्देशन गर्न लागेका हुन् । अमेरिका देखी चलचित्रको लागि अडिशन दिन नेपाल आएकी नव नायिका क्रिस्टिना चलचित्रमा नायक प्रदिप खड्काको जोडी बन्नेछिन् । 

छेतेन र मन्दिप गौतमले तयार पारेकाे यस चलचित्रकाे कथामा नव नायिका क्रिस्टिना र नायक प्रदिप खड्कासँगै शिव श्रेष्ठ, मनिष राउत, सुनिल थापा, अनुभव रेग्मी को मुख्य भूमिका रहनेछ ।