धरानमा चेकजाँच क्रममा लागूऔषध सहित २ पक्राउ

असार १९, धरान । प्रहरीले धरानमा प्रतिबन्धित लागूऔषध सहित २ जनालाई पक्राउ गरिएको छ । 

धरान–८ तिनकुनेमा चेकजाँचको क्रममा इटहरीबाट धरानतर्फ आइरहेको बा ४२ प २९७३ नं. को मोटरसाइकलमा सवार व्यक्ति भाग्न खोजेपछी उनीहरु पक्राउ परेका हुन् । 

null

पक्राउ पर्नेमा उदयपुर त्रियुगा–१० बोक्सेका वर्ष २० का पुकार पौडेल र माेटरसाइकल पछाडी बसेका सोही स्थानको वर्ष १९ को सुवास विक रहेको इलाका प्रहरी कार्यालय धरानले जानकारी दिएको छ । 

पक्राउ परेका उनीहरुको साथबाट प्रतिबन्धित लागू औषध ५२ ग्राम भएको २ पोका खैरो हिरोइन, नगद २६ हजार, सहित एमआई मोबाइल १ थान बरामद गरिएको इलाका प्रहरी कार्यालय धरानका डिएसपी ढुण्डीराज न्यौपानेले जानकारी दिएका छन् । 

डिएसपी न्यौपाने बताए अनुसार हाल उनीहरुले प्रयोग गरेको मोटरसाइकल सहित उनीहरुलाई नियन्त्रणमा लिई लागूऔषध मुद्दामा थप अनुसन्धान भइरहेको छ ।