भारतीय नायिकाले प्रेमीमाथि लगाइन् शोषण र बलात्कार आरोप

असार ३१, भारत ।  मुम्बईकी एक मोडल एवं नायिकाले हालै आफ्ना प्रेमीमाथि बलात्कारको आरोप लगाएकी छिन् । नायिकाले यो मामलामा प्रेमीविरुद्ध मुद्दा पनि दर्ता गरेकी छिन् । 

भारतीय समाचार एजेन्सीका अनुसार नायिकाले आफ्ना प्रेमीले उनको शोषण र बलात्कार गर्ने आरोप लगाएकी छिन् । मिडिया रिपोर्टमा नायिकाको नाम गोप्य राखिएको छ भने उनका प्रेमीको नाम पनि सार्वजनिक गरिएको छैन । यसबारे पुलिसले अनुसन्धान गरिरहेको जानकारी दिएको छ । 

null

नायिकाका अनुसार उनले सन् २०१७ मा ती युवकलाई एक सुटको बेला भेटेकी थिइन् । उनका अनुसार नोएडामा बस्ने ती युवक नायिकालाई भेट्न बारम्बार मुम्बई आइरहन्थे । नायिकालाई विश्वास गर्ने हो भने ती युवकले आफू विवाहित भएको कुरा वर्षौैंसम्म लुकाएर राखेका थिए । विवाहको झुटो आश्वासन दिएर यौन सम्बन्ध राख्न बाध्य बनाएको पनि उनले पुलिसलाई जानकारी दिइन् । 

रिपोर्टमा यो पनि भनिएको छ कि ती व्यक्तिले नायिकालाई विभिन्न कुरामा बन्देज लगाउने गर्दथे । आरोपीले पीडितलाई कुनै पनि पुरुषसँग काम नगर्न दबाब दिन्थे । यसका साथै साथीबाट पनि टाढै बस्न भन्थे । उनले भनेको नमान्दा ती युवकले कुटपिटसमेत गर्ने गरेको उनको भनाई छ । एजेन्सी