मापासे कारवाहीबाट बच्न प्रहरीलाई घुस दिन खोज्ने थापा र लामा पक्राउ

साउन १०, भक्तपुर । प्रहरीलाई घुस दिन खोज्ने २ जना पक्राउ परेका छन् । 

ड्युटीमा खटिएको प्रहरीलाई आर्थिक प्रलोभनमा पार्न खोजेको आरोपमा भक्तपुर प्रहरीले बिहीबार साँझ २ जनालाई पक्राउ गरेको हो । 

null

पक्राउ पर्नेमा बा८८प ५०२६ नम्बरको मोटरसाइकल चालक २२ वर्षीय सञ्जिव लामा र मोटरसाइकलमा सवार १९ वर्षीय सविन थापा रहेका छन् । लामा काभ्रे नमोबुद्ध नगरपालिका– १० का हुन् भने थापा मकवानपुरका हुन् । 

उनीहरु दुवैले मादक पदार्थ सेवन गरेका थिए । मध्यपुर ठिमी नगरपालिका–३ कौशलटार खटिएको प्रहरीले जाँच गर्ने कागजपत्र माग्दा १ हजार घुस दिन खोजेका थिए । सोही क्रममा उनीहरुसहित मोटरसाइकल पनि नियन्त्रणमा लिइएको प्रहरीले जनाएको छ ।