रौतहटको सदरमुकाम गौर डुब्यो, जनजीवन अस्तव्यस्त

रौतहट, २८ असार । अविरल वर्षापछि बागमति र लालबकैयाको नदिको पानी पसे पछि रौतहटको सदरमुकाम गौर डुबेको छ । अहिले झण्डै ७/८ फिट पानी छ । घर भित्र पानी पसे पछि स्थानियले हारगुहार गरिरहेका छन् । सुसरक्षाकर्मी समेत बाहिर निस्कन नसक्ने अवस्था बनेपछि उद्धारमा कठिनाई भएको छ । सुरक्षाकर्मीले उद्धार गर्न सकेको छैनन् । प्रमुख जिल्ला अधिकारी किरण थापाले सदरमुकामको अवस्था गम्भिर भएको बताए । 

‘पानीको सतह धेरै माथि आइसकेको छ । उद्धारमा कठिनाई भईरहेको छ,’ ‘उनले भने, ‘पानीको निकाश नभएकोले सदरमुकाम गौर डुब्यो ।’ अधिकांश छतमा बसेका छन् । पानी पर्न छाडेको छैन् । भारतिय सीमाक्षेत्रमा भारतले लगाएको बाँधका कारण पानीले निकाश पाएको छैन । लालबकैया र बागमतिको बाँध भत्किएर पानी गाउँ पसेको हो । अहिले अवस्था नाजुक बनेको जिल्ला प्रहरी प्रमुख एसपी भुपेन्द्र खत्रीले बताए । ‘हेलीकप्टरबाट उद्धार गर्न जरुरी छ,’ उनले भने, ‘अहिले अवस्था भयवित छ । एकतला घर भित्र पुरै पानी छ ।’ 

null

गौर बजार डुबानमा परे पछि कसैको घरमा चुल्हो बलेको छैन् । सीमाक्षेत्रको बाँध भत्किन नदिन पारीका सुरक्षाकर्मीहरु बाँधमै आएर सुरक्षा दिईरहेका छन् । बाँधकै कारण सदरमुकाम डुबानमा पर्दै आएको छ । भारतीय पक्षले लालबकैया र बागमतीलाइ जोडेर दशगजा क्षेत्रमा करिव २५ फिट अग्लो तटबन्ध निर्माण गरेपछि पानी थुनिएर सदरमुकाम गौर डुबानमा पर्दै आएको छ । दुई वर्ष अघि यस्तै अवस्थमा भारतीय क्षेत्रको बाँध भत्किएको थियो । डुंगाबाट सशस्त्रले उद्धारको तयारी गरेको जनायो । अहिले सुरक्षाकर्मीको ब्यारेक पनि सबै डुबेको छ । 

उनिहरु समेत बाहिर निस्कन सकेका छैनन् । बाढीले सदरमुकाम गौरसहित जिल्लाका ८० प्रतिशत भुभाग डुबानमा परेको छ । बकैया र बागमतीको बाँध ठाउठाउमा भत्किँदा बाढीको पानि बस्तिमा प्रवेश गरेको हो । लालवकैया खोलाको बाढीले बनुयाद, कटहरिया र देबाहिगुनाही र बन्जारहा नजिक तटबन्ध बगाएपछि सो क्षेत्रका करिव ६ नगरपालिका ढुवानमा परेको छ । यस्तै बागमती नदिको बाढीले गढिमाइ नगरपालिकाको दुई स्थानमा बाँध भत्काएपछि सो क्षेत्र डुवान भएको छ । आजको कान्तिपुर दैनिकमा शिव पुरीले लेखेका छन् ।