अर्जुन–मलाइका किन एकसाथ अमेरिकामा पुगे ?

असार २०, भारत । मलाइका अरोडा र अर्जुन कपुर आजकाल आफ्नो सम्बन्धका लागि विशेष चर्चित छन् । सोसल मिडियामा उनीहरुको तस्बिर सार्वजनिक हुने बित्तिकै मिनेटमै भाइरल हुन्छ । 

मलाइका र अर्जुन यतिबेला न्यूयोर्कमा छुट्टी मनाइरहेका छन् । यतिबेला उनीहरु नायक ऋषि कपुरलाई पनि भेट्न पुगे । यो भेटको तस्बिर सार्वजनिक भएको छ । 

null

नितू कपुरले ऋषि कपुरलाई भेट्न पुगेका मलाइका र अर्जुनको तस्बिर सेयर गरेका छन् । यो तस्बिर सेयर गर्दै नितू कपुरले लेखिन्, ‘हाम्रो आफ्नै घरका बच्चा अर्जुन र मायालु मलाइकासँग एउटा रमाइलो साँझ ।’ 

मलाइका अरोडाले पनि यो तस्बिर आफ्नो सोसल मिडिया अकाउन्टमा सेयर गर्दै लेखिन्, ‘धन्यवाद नितू जीर र ऋषि अंकल, यस्तो सुन्दर र प्रेमिल साँझका लागि ।’ 

एक–अर्कासँगको सम्बन्ध स्विकारेपछि यो जोडी विभिन्न स्थानमा सँगै देखिएका छन् । मलाइका आफैंले पनि अर्जुनसँगको तस्बिर सेयर गरिसकेकी छिन् । एउटा सुन्दर तस्बिर सेयर गर्दै मलाइकाले अर्जुन कपुरसँग आफ्नो सम्बन्धलाई स्विकारेकी थिइन् । एजेन्सी