नहरमा बस खस्दा शिक्षिका र विद्यार्थी घाइते

असार २२, मोरङ । आईतबार मोरङको बुढीगंगामा मोटरसाइकललाई साईड दिने क्रममा स्कुल बस नहरमा खस्दा तीन जना घाइते भएका छन् । 

मोरङको बुढीगंगा गाउँपालिका–३ स्थित गोकुवा चोक नजिकै जेभियर्स बोर्डिङ स्कुलको बसले मोटरसाइकललाई डाइड दिन खोज्दा सोही स्कुलकी शिक्षिका र विद्यार्थी घाइते भएको हो । 

null

घाइते हुनेमा २२ वर्षीया सम्झना अधिकारी, २४ वर्षीया रिविसा घिमिरे र कक्षा ३ की ८ वर्षीया बालिका सुरक्षा पौडेल रहेको प्रहरीले जनाएको छ । 

एक चालक, दुई शिक्षिका र १६ जना विद्यार्थी गरेर १९ जना सवार रहेको को १ ख १९८२ नम्बर बस विपरीत दिशाबाट आउँदै गरेको मोटरसाइकललाई साइड दिने क्रममा चिप्लिएर नहरमा खसेको प्रहरीले जानकारी दिएको छ । 

प्रहरीका अनुसार हाल घाइतेहरुको विराट टिचिङ अस्तालमा उपचार भइरहेको छ भने बस र चालक बुढीगंगा–१ का ५२ वर्षीय बलराम खतिवडालाई नियन्त्रणमा लिएर अनुसन्धान थलिएको छ ।