श्रीमतीलाई ढुंगा प्रहार गरी हत्या गर्ने श्रीमान् पक्राउ

असार २३, कास्की । कास्की प्रहरीले श्रीमतीलाई ढुंगा प्रहार गरी हत्या गरेको आरोपमा एक श्रीमानलाई पक्राउ गरेको छ । 

पोखरा महानगरपालिका १७ विरौटामा आइतबार राति श्रीमान ध्रुव भन्ने वीरबहादुर सुनारले श्रीमती गंगा सुनारलाई ढुंगा प्रहार गरी हत्या गरेको प्रहरीले जानकारी दिएको हो । 

null

पोखरा २२ पुम्दीभुम्दी घर भइ पोखरा १७ मा बस्दै आएका ४५ वर्षीय ध्रुव भन्ने वीरबहादुर ले आफ्नो ४० वर्षीया श्रीमती गंगाकाे टाउकोमा ढुंगा प्रहार गरी भागेका थिए । 

फरार रहेका ध्रुव भन्ने वीरबहादुरलाई वडा प्रहरी कार्यालय बैदामका प्रहरी सहायक निरीक्षक कुल बहादुर रोक्काको नेतृत्वमा खटिएको टोलीले सोमबार दिउँसो पोखरा २२ कालीमाटीबाट पक्राउ गरेको हो । 

पक्राउ परेका ध्रुव भन्ने वीरबहादुरलाई कारवाही अघी बढाई थप अनुसन्धान भईरहेको प्रहरीले जनाएको छ ।