बाढी र पहिरोः ज्यान गुमाउनेकाे संख्या ६७ पुग्यो

असार ३०, काठमाडौं । केही दिनअघि देखि परेको अविरल वर्षाका कारण आएको बाढी पहिरोमा परी ज्यान गुमाउनेको संख्या ६७ पुगेको छ । 

प्रहरी प्रधान कार्यालयले जारी गरेको तथ्यांक अनुसार काठमाडौं लगायत विभिन्न जिल्ला गरी बाढी, पहिरो र डुबानमा परी ज्यान गुमाउनेको संख्या ६७ पुगेको हो । जसमा २६ महिला र ४१ पुरुष छन् । 

null

बाढी पहिरोमा परी काठमाडौंमा ३ जना, मकवानपुरमा ६ जना, ललितपुर, रौतहट र भोजपुरमा ५–५ जना, ओखलढुंगा, सिराहा र सिन्धुलीमा ४–४ जना, खोटाङ, धनुषा र काभ्रेमा ३–३ जना, झापा, उदयपुर, पर्सा, बारा, महोत्तरी, धादिङ र डोल्पामा २–२ जना तथा ईलाम, पाँचथर, मोरङ, सुनसरी, रामेछाप, चितवन, पाल्पा र दाङमा १–१ जनाको मृत्यु भएको प्रहरीले जनाएको छ । 

प्रहरीका अनुसार ४३ जना घाइते भएका छन् भने एक हजार ४ सय ४६ जनाको सकुशल उद्धार गरिएको छ । ३० जना अझै बेपत्ता छन् ।