मोरङ र झापाबाट लागूऔषध सहित ४ पक्राउ

साउन ६, झापा । मोरङ र झापाबाट प्रहरीले आईतबार र सोमबार लागूऔषध सहित चार जनालाई पक्राउ गर्न सफल भएको छ । 

पक्राउ पर्नेमा मोरङको केरावारी गाउँपालिका १० बगैँचा चोकबाट सोही स्थानमा बस्ने बर्ष १८ को गणेश तामाङ र जिग्री भुजेल रहेको प्रहरीले जनाएको छ । 

null

सोमवार बिहान २ बजे शंकास्पद अवस्थामा हिडिरहेका अवस्थामा चेकजाँच गर्ने क्रममा उनीहरुलाई इलाका प्रहरी कार्यालय केराबारीबाट खटिएको प्रहरी टोलीले पक्राउ गरेको हो । 

पक्राउ परेका उनीहरुको साथबाट प्रहरीले ३ किलो लागूऔषध बरामद गरीको प्रहरीले जनाएको छ । हाल उनीहरुलाई इलाका प्रहरी कार्यालय केरावारीमा राखि थप अनुसन्धान भइरहेको छ । 

त्यसैगरी लागूऔध नियन्त्रण ब्यूरो काँकडभिट्टाबाट खटिएको प्रहरी टोलीले लागूऔषध खैरो हेरोईन सहित २ जनालाई पक्राउ गरेको छ । 

आईतवार साँझ ६ः४० बजेको समयमा झापाको मेचीनगर नगरपालिका ६ भन्सार गेट अगाडीबाट ईलामको सुर्योदय नगरपालिका १० फिक्कल बस्ने बर्ष ३१ को अमित लिम्बु र झापा बुद्धशान्ति गाउँपालिका ४ बस्ने बर्ष २१ को किशन बेघालाई पक्राउ गरिएकाे प्रहरीले जनाएको छ । 

बा ६७ प १२८५ नम्बरको मोटरसाईकलमा भारतबाट नेपाल आउँदै गरेको अवस्थामा उनीहरुलाई चेकजाँच गर्ने क्रममा ६ सय मिलिग्राम खैरो हेरोईन मुखमा लुकाई छिपाई ल्याउँदै गरेको अवस्थामा पक्राउ गरिएको हाे। 

प्रहरीका अनुसार पक्राउ परेका दुवै जनालाई इलाका प्रहरी कार्यालय काँकडभिट्टामा राखि थप अनुसन्धान भइरहेको छ ।