बलिउड रणवीर सिंह नयाँ लुक्समा

असार २४, भारत ।  बलिउड अभिनेता रणवीर सिंहको फिल्म ‘८३’ को फस्ट लुक्स सार्वजनिक भएको छ । उनको जन्मदिनको अवसर पारेर फस्र्ट लुक्स सार्वजनिक गरिएको हो । यो फिल्ममा रणवीर क्रिकेटर कपिल देवको भुमिकामा देखिदैछन् । 

उनले कपिल देवको भुमिकाका निभाउनको लागि निकै मिहेनत गरेका छन् । सार्वजनिक फिल्मको लुक्समा रणवीर कपिल देव जस्तै देखिएका छन् । उनले कपाल देखि लिएर छालाको रंगसम्म निकै ध्यान दिएका छन् । 

null

रणवीरले सामाजिक सञ्जालमा फस्ट लुक्स सार्वजनिक गर्दै लेखेका छन्, ‘मेरो विशेष दिनमा हरियाणाको हरिकेन कपिल देव उपस्थित छ ।’ यो फिल्ममा कपिल देवको पत्नीको भुमिकामा रणवीरको रियल पत्नी दीपिका पादुकोण देखिदैछिन् । 

यो फिल्म ८३ हिन्दी, तमिल र तेलगु भाषामा निर्माण हुनेछ । यो फिल्म २०२० अप्रिल १० मा रिलिज हुँदैछ । एजेन्सी