‘पोई पर्यो काले’ को टाईटल गीतको छाँयाकन: यस्तो देखिए सौगात र श्रृष्टि

भाद्र ११, काठमाडौँ । कात्तिकको ८ गते प्रदर्शन मिति तोकिएको चलचित्र  ‘पोई पर्यो काले’को टाईटल गीतको छायाँकन सुरु गरिएको छ। 

बालाजुमा रहेको चलचित्र विकास कम्पनीको स्टूडियोमा भब्य सेट बनाएर यतीबेला धमाधम  ‘पोई पर्यो काले’को टाईटल गीतको छायाँकन भईरहेको छ ।  रामजी लामिछानेको कोरियोग्राफी रहेको यस टाईटल गीतमा सौगात मल्ल, पूजा शर्मा, श्रृष्टि श्रेष्ठ र आकाश श्रेष्ठको नृत्य देख्न पाईनेछ ।   

कोरियोग्राफर लामिछानेले भने ‘फिल्मका मुख्य कलाकार सबै भएकोले गीत राम्रो बन्छ ।’ 

यस गीतमा शिव ढकालको छायाँकन रहेको छ भने अर्जुन पोखरेलको संगीत, रामचन्द्र काफ्ले र अन्जु पन्तको स्वर र नृपेश उप्रेतीको शब्द  रहेको छ ।  शिशिर राणाको निर्देशन र लेखनमा तयार  पारिएको यस चलचित्रमा  राजिव गुरुङ र सरोज नेपालीको लगानी छ रहेको छ भने अमलादेवी राई चलचित्रकी कार्यकारी निर्माता रहेकी छिन् ।   

कमेडी कथाले भरिएको यस चलचित्रमा कलाकार सौगात, पूजा, श्रृष्टी र आकाशको अलवा सोहित मानन्धर, सुरक्षा पन्त, राजाराम पौडेल लगायतका कलाकारको  भूमिका रहेको छ  ।