‘कौन बनेगा करोडपति’ मा बच्चनका परिवारले किन भाग लिन नपाउँने ?

साउन ३१, भारत । भारतको चर्चित खेलसम्बन्धी रियालीटी शो ‘कौन बनेगा करोडपति’का सञ्चालक महानायक अमिताभ बच्चनका परिवारले उक्त कार्यक्रममा भाग लिन पाउँदैनन् ।   

केहि समयमा नै सुरु हुन लागेको ‘सीजन ११’ को विषयमा गरिएको एक कार्यक्रममा अमिताभले उक्त शोसँग जोडिएका विभिन्न प्रश्नको जवाफ दिने क्रममा उक्त खुलासा गरेका हुन् । 

उनले उक्त शोमा आफ्ना परिवारका सदस्यले सहभागिता जनाउन नपाउने कुरा उल्लेख गरेका थिए । उनीहरु आफ्ना कुनै पनि प्रोजेक्टको प्रमोशन गर्न आउन सक्ने भए पनि प्रतियोग बन्ने नसक्ने उनले बताएका छन् । शोमा भाग लिन परिवारको सदस्यलाई अनुमति छैन ।   

साथै, उनले आफ्नो परिवारका सदस्यमा सामान्य ज्ञानको कमी भएकाले ‘हट सिट’ मा बस्न डराउँने पनि उल्लेख गरे ।   

यता, अमिताभ बच्चनलाई उनका परिवारले उक्त शो नगर्न सुझाव दिएको समेत उनले बताए । सन् २००० मा सुरु भएको रियालिटी शो नगर्न परिवार र केहि मानिसको सुझाव समेत आएका उनले बताए ।  एजेन्सी