कपिलवस्तुमा समाजवादी पार्टीका नेतामाथि गोली प्रहार

साउन १६, काठमाडौं । कपिलवस्तुमा समाजवादी पार्टीका एक नेतामाथि गोली प्रहार भएको छ । 

कपिलवस्तुको शुद्धोधन गाउँपालिकाका स्थानीय नेता रामनयन यादवमाथि अज्ञात समुहले आज (बिहीबार) दिउँसो २ बजेतिर गोली प्रहार गरेको हो । 

प्रहरीका अनुसार मोटरसाइकलमा आएका दुई जनाले यादवमाथि गोली प्रहार गरेका हुन् । उनीहरुको पहिचान भइसकेको छैन । खोजी कार्य भइरहेको जिल्ला प्रहरी कार्यालय कपिलवस्तुले जनाएको छ । 

null

यादवको कुममा गोली लागेको छ । सामान्य घाइते भएका यादवको तौलिहवास्थित जिल्ला अस्पतालमा उपचार भइरहेको छ । 

यादव पूर्व नयाँ शक्ति पार्टीबाट गाउँपालिकाको अध्यक्षका उम्मेदवार समेत बनेका थिए ।