ठूलो परिमाणमा लागूऔषध बरामदः मिनिट्रक चालकसहित २ पक्राउ

साउन ३०, हेटौंडा । बुधबार दिउँसो ठूलो परिमाणमा प्रतिबन्धित लागूऔषध सहित दुई व्यक्ति पक्राउ परेका छन् । 

जिल्ला प्रहरी मकवानपुरले मिनिट्रक चेकजाँच गर्ने क्रममा ५९ किलो ५८० ग्राम लागु औषध गाँजा सहित २ व्यक्तिलाई पक्राउ गरेको हो । 

null

पक्राउ पर्नेमा मकवानपुर कैलाश गाउँपालिका–६ बस्ने बर्ष २० का मिनिट्रक चालक भीमसेन मोक्तान र उक्त ट्रकमा सवार कैलाश गाउँपालिका–६ का बर्ष २६ का रोशन लामा रहेको प्रहरीले जनाएको छ । 

प्रहरीका अनुसार पालुङ्गबाट वीरगञ्जतर्फ जाँदै गरेको बा ५ ख १८२५ नम्बरको मिनिट्रक चेकजाँच गर्ने क्रममा चालकको सिटमुनि फल्सबटम बनाई पोका बनाएर लुकाईछिपाई ल्याइरहेको अवस्थामा उक्त गाँजा सहित उनीहरूलाइ  नियन्त्रणमा लिइएकाे हाे । 

पक्राउ परेका उनीहरुमाथी लागुऔषध नियन्त्रण ऐन २०३३ बमोजिम कसुर प्रमाणित भएमा निजहरुलाई २ देखि १० बर्षको जेल सजाय र १५ हजार देखि १ लाख सम्म जरीवानाका साथै ट्रक जफत हुन सक्ने प्रहरीले जनाएको छ ।