जन्मदिन मनाउन माल्दिभ्स पुगे वर्षा र संजोग (५ तस्विर)

साउन १६, काठमाडौं । नायिका एवम् मोडेल वर्षा राउत र उनका श्रीमान् संजोग कोइराला यतिबेला माल्दिभ्समा छन् । 

संजोग आफ्नो जन्मदिन मनाउनका लागि श्रीमती वर्षा राउतलाई लिएर माल्दिभ्स पुगेका हुन् । वर्षा र संजोग त्यहाँ निकै रमाइलो गरिरहेका छन् । वर्षा र संजोग झन्डै ५ वर्ष भन्दा लामो प्रेम सम्बन्ध पछि २०१९ फेब्रुअरी १४ ‘भ्यालेन्टाइन्स डे’ का दिन बैवाहिक बन्धनमा बाँधिएका थिए । 

null

वर्षाले ‘नाई नभन्नू ल ४’ बाट नेपाली चलचित्र क्षेत्रमा कदम राखेकी थिइन् । उनी चलचित्र ‘छक्का पञ्जा’ बाट चर्चामा आएकी हुन् । 

चलचित्र यात्रा म्युजिक भिडियोबाट शुरु गरेकी वर्षाले चलचित्र ‘जात्रा’ र त्यसैको सिक्वेल ‘जात्रै जात्रा’ बाट अझै चर्चा बटुलेकी छिन् । अहिले उनलाई लोकप्रिय नायिकामध्येमा गनिन्छ । 

१ सय भन्दा बढी म्यूजिक भिडीयोमा अभिनय गरिसकेकी छन्। त्यसैले उनलाई म्यूजिक भिडीयोकि रानीको रुपमा पनि चिन्ने गरिन्छ ।