विराटनगर प्लेटिनम राउण्ड टेबल इलेभनद्धारा बृक्षारोपण

साउन २०, विराटनगर ।  राउण्ड टेबल नेपाल डे को अवसरमा मोरङका विभिन्न विद्यालय र स्वास्थ्य संस्थाहरुमा बृक्षारोपण गरिएको छ । 

सो क्रममा विराटनगर प्लेटिनम राउण्ड टेबल एलेभनले बूढीगंगा गाउँपालिका ५ हात्तीमुडास्थित राउण्ड टेबल बालबालिका प्राथमिक उपचार केन्द्रमा बृक्षारोपण गरेको छ । 

null

प्लेटिनम आबद्ध पदाधिकारीले सो ठाउँमा औपचारिक कार्यक्रमको आयोजना गर्दै उपचार केन्द्र परिसरमा बृक्षारोपण गरेका हुन् । उपचार केन्द्रको नियमित संरक्षण र सम्बद्र्धन गर्दै आएको आयोजक संस्थाले यसअघि नै परिसरलाई सिंगार्ने र हरियाली प्रर्वधन गर्ने उद्देश्य सहित त्यहाँ घेराबेरा गरेर चाइनिज घाँस लगाउने काम गरिसकेको आयोजक संस्थाका अध्यक्ष पंकज पारखले जानकारी दिए । 

कार्यक्रममाझ २ दर्जन बढी विभिन्न प्रजातिका विरुवा बृक्षारोपण गरिएको उनले बताए ।  कार्यक्रममा एरिया कोअर्डिनेटर रिसभ दाहाल, आइपिसी लोकेश टिवडेवाल, विराटनगर राउण्ड टेबल फाइभका चेयरमेन अश्विनी बंसल, विराटनगर सफायर राउण्ड टेबल एट्टिनका भाइस चेयरमेन विवेक राठी लगायत सहभागि थिए । 

यसैगरि नेपाल डे कै अवसरमा पुष्पलाल चोकस्थित महिला जागृति आश्रममा र बैजनाथपुरस्थित श्री सार्वजनिक माध्यमिक विद्यालयमा समेत बृक्षारोपण गरिएको छ । आश्रममा बिआरटी फाइभ र सार्वजनिक माध्यमिक विद्यालयमा बिएसआरटी एट्टिनले बृक्षारोपण गरेको जनाइएको छ ।