रोजगारबाट फर्केका युवा होटलमा मृत भेटिए
मकालु खबर २०७६ भदौ ८ गते
भाद्र ८, दाङ । आईतबार बिहान दाङको एक होटल एक युवा मृत अवस्थामा फेला परेका छन् ।
शनिबार राती दाङको घोराही–१५ ट्राफिकचोकस्थित शंकर होटलमा बास बसेका दाङकै बंगलाचुली गाउँपालिका–८ रानीवासका २३ बर्षीय लालु घर्ती मृत फेला परेका हुन् ।
भारतको महाराष्ट्रबाट रोजगारी गरेर फर्किएका ६ जना व्यक्ती सोही होटलमा बास वसेका थिए । सोही व्यक्ति मध्ये घर्ती मगर मृत फेला परेको प्रहरीले जनाएको छ ।
दाङका प्रहरी प्रबक्ता विनोद विक्रम शाहका जानकारी अनुसार शवको पोष्टमार्टमपछि मात्रै घटना के कारणले भयाे तथ्य बाहिर आउनेछ ।
हाल घटनाबारे अनुसन्धान भईरहेको प्रहरीले जनाएको छ ।
मकालु खबर २०७६ भदौ ८ गते
प्रतिक्रिया
सम्बन्धित
