खुकुरी प्रहार गर्ने दुई युवा पक्राउ

भाद्र ८, दाङ । दाङमा खुकुरी प्रहार गरी घाइते बनाउने दुई युवालाई प्रहरीले पक्राउ गरेको छ ।   

पक्राउ पर्नेमा ट्राफिक चोक निवासी २३ वर्षीय महेश हमाल र २२ वर्षीय राजु चौधरी रहेको प्रहरीले जनाएको छ ।   

उनीहरुले  दाङको घोराही उपमहानगरपालिका वडा नम्बर १५ निवासी १८ वर्षीय त्रिशक्ती बर्तौलालाई खुकुरी प्रहार घाइते बनाएका थिए ।   

खकुरी प्रहारबाट गम्भिर घाइते भएका  बर्तौलाको राप्ती स्वास्थ्य विज्ञान प्रतिष्ठानमा प्राथमिक उपचार पछि थप उपचारको लागी जिल्ला बाहिर रेफर गरिएको प्रहरीले जनाएको छ । 

प्रहरीका अनुसार पक्राउ परेका हमाल र चौधरीलाई कारवाहीको लागि अघी बढाई अवश्यक अनुसन्धान भईरहेको छ ।