‘माया पिरती’ भन्दै दयाहाङ उपासनाको प्रेममा मख्ख
मकालु खबर
भाद्र ३१, काठमाडौँ । रामबाबु गुरुङद्वारा निर्देशित चलाचित्र ‘कबड्डी कबड्डी कबड्डी’को ‘माया पिरती’ बोल रहेको गीतकाे भिडियाे सार्वजनिक गरिएको छ ।
कालिदास बास्कोटाको स्वर तथा संगीत रहेको यस गीतको भिडियोमा चलचित्रको मुख्य नायक दयाहाङ राई र नायिका उपासना सिंह ठकुरीलाई फिचर्ड गरिएको छ ।
करिब ३ मिनेटको उक्त गीतको सार्वजनिक भिडियोमा रोमान्टिक ठाउँ देखाउनुको साथै नायक राई नायिका ठकुरीको प्रेममा मख्ख परेको दृश्यहरु समावेश गरिएको छ ।
उक्त सार्वजनिक गीतको भिडियोलाई कोरियोग्राफर रेनशा वान्तवा राइले कोरियोग्राफी गरेकी हुन् । चलचित्रमा नायक राई र नायिका ठकुरीसँगै रीश्मा गुरुङ, कर्मा, विल्सन विक्रम राई, अरुणा कार्की लगायतका कलाकारको अभिनय रहेको छ ।
मणिराम पोखरेल, अर्जुन कार्की र ओमचन्द्र रौनियारको लगानी रहेको यस चलचित्रमा निमेष श्रेष्ठ र सुरेन्द्र पौडेलको सम्पादन रहेको चलचित्रमा शैलेन्द्र डी कार्कीको छायांकन रहेछ ।
रामबाबु र उपेन्द्र सुब्बाको स्क्रिप्ट रहेको चलचित्र ‘कबड्डी कबड्डी कबड्डी’को प्रदर्शन मिति भने असोज ३ गते तोकिएकाे छ ।
भिडियाे हेर्नुस्
मकालु खबर
