राजेश पायल राईले भने–‘अवार्ड जले होलान् तर तपाईहरुले दिएको आशिर्वाद माया, सुझाव नजलोस्’

भाद्र ३१, काठमाडौं । चर्चित गायक राजेश पायल राईको नयाँ बानेश्वरस्थित घरमा आगलागी भएको छ । उनको घरमा सोमबार साँझ आगलागी भएको हो । 

उति यतिबेला सांगितिक कार्यक्रमका लागि विदेशमा छन् । आगलागीबाट के कति क्षती भएको छ भन्ने विवरण नआइसकेको प्रहरीको भनाई छ । आगलागीबाट कुनै मानवीय क्षति नभएपनि आगलागीबाट उनका अवार्ड तथा प्रमाणपत्रहरू जलेर नष्ट भएका छन् । 

आगलागीपछि गायक राईले फेसबुकमा स्टाटस लेख्दै दर्शक, श्रोता तथा शुभचिन्तकको आशिर्वाद र मायाको अगाडि आगलागीले दिएको पीडालाई पीडा नभएको बताएका छन् । 

‘म पिडा मा छैन किनकी तपाईहरुको आशिर्वाद र मायाको अगाडि यो पीडा, पीडा हैन …मेरो छिमेकीहरुले दर्शाउनु भएको सहयोग, नेपाल प्रहरी, दमकल परिवारप्रति, यहाँबाटै हार्दिक नमन …अवार्ड जले होलान् तर तपाईहरुले दिएको आशिर्वाद माया, सुझाव नजलोस् .. म सदा तपाईहरुकै काखमा लुट्पुटिने मान्छे’, आगलागीपछि उनले आफ्नो फेसबुक पेजमा लेखेका छन् ।