अभिनेत्री साराले आफ्नो भद्दा शरिर यसरी स्लिम बनाएकी थिइन्

भाद्र १९, भारत ।  बलिउड नायिका सारा अली खानले फिल्म केदारनाथबाट बलिउडमा डेब्यू गरेकी थिइन् र र उनले यो फिल्मका लागि बेस्ट फिल्म डेब्यूको फिल्मफेयर अवार्ड पनि पाएकी थिइन् । अब सारा अली खान स्टार बनिसकेकी छिन् । यसका लागि साराले अत्यधिक मेहनत पनि गरेकी छिन् । फिल्ममा आउनु अघि उनी आफ्नो ट्रान्सफर्मेशनका लागि चर्चामा रहेकी थिइन् । 

साराले आफ्नो तौलमा पनि अत्यधिक मेहनत गरेकी छिन् । एक समय यस्तो थियो जब उनको तौल ९० किलो थियो । साराले बुधबार आफ्नो इन्स्टाग्राम अकाउन्टमा आमा अमृता सिंहसँगको एउटा पुरानो फोटो सेयर गरेकी छिन् । 

तस्बिरमा साराले अत्यधिक तौल मज्जाले देख्न सकिन्छ । तस्बिर हेरेपछि मानिसहरुले उनलाई के खाएर तौल कम गरेको भन्दै सोधिरहेका छन् । मानिसहरु साराबाट उनको डाइट सिक्रेट जान्न चाहिरहेका छन् । 

उनको उक्त फोटोमा नायिका श्रद्धा कपुरले पनि कमेन्ट गरेकी छिन् । उनले लेखेकी छिन्, ‘तिमीले कस्तो उत्कृष्ट यात्रा तय गर्‍यौ । सलाम छ ।’ 

अहिले सारा निकै फिट देखिन्छिन् । उनी दैनिक जीममा वर्कआउट पनि गर्छिन् । 

पिंकभिल्लासँगको कुराकानीमा साराले आफ्नो रुटिन बताएकी थिइन् । साराले भनेकी थिइन्, ‘पहिला म बिहान, दिउँसो, बेलुका सधैंभरी पिज्जा नै खाइरहन्थे । तर अब पिज्जा खानबाट बच्छु । बिहान तातो पानी खान्छु । अण्डा र चिकन पनि मनपर्छ । यसबाहेक मलाई चाइनिज डिशेज पनि निकै मनपर्छ ।’ 

कामको कुरा गर्ने हो भने फिल्म कुली नम्बर वानको रिमेक र लभ आजकल टु मा देखिने भएकी छिन् । एजेन्सी