कुटपिटमा संलग्न १६ प्रहरीकाे खाेरमा
मकालु खबर २०७६ भदौ १९ गते
भाद्र १९, पर्वत । बुधबार प्रहरीले कुटपिटमा संलग्न दुई समूहका १६ जनालाई पक्राउ गरेको छ ।
कुश्मा नगरपालिका–५, यान्त्रिकपुल नजिक दुई समूहबीच आपसी विवादमा झगडा हँदा २ जना घाइते भएका थिए भने १६ जनालाई प्रहरीले पक्राउ गरेका थिए ।
प्रहरीका अनुसार पक्राउ पर्नेमा कुश्मा नगरपालिका–४ का सन्तोष परियार, करण गुरुङ, मुस्कान पुन, राजेश पुन, निशान पुन, नवीन क्षेत्री, अनमोल कुमाल, सुदीप परियार, सुगम बोहोरा, आविस्कार पौडेल, कुश्मा–५ का आशिष केसी, आश्विन क्षेत्री, कुश्मा–६ का अभिषेक पौडेल तथा वडा नं ७ का सुमन केसी र सुजन केसी रहेका छन् ।
घाइते कुश्मा–५ का आस्विन क्षेत्री र कुश्मा–६ का आदित भण्डारीको जिल्ला अस्पतालमा उपचार गरिएको प्रहरीले जनाएको छ ।
प्रहरीका अनुसार कुटपिटमा संलग्न सबै विरुद्ध मुद्दा दर्ता गरी अनुसन्धान अघि बढाइएको छ ।
मकालु खबर २०७६ भदौ १९ गते
प्रतिक्रिया
सम्बन्धित
