तेलुगु फिल्मको नायिका बन्दै परमिता

भाद्र २९, काठमाडौँ । फिल्म  ‘चपली हाइट २’बाट  फिल्मी करियर सुरु गरेकी नायिका परमिता राज्यलक्ष्मी राणा तेलुगु फिल्ममा खेल्ने भएकी छिन् ।   

सामाजिक सञ्जाल फेसबुक मार्फत उनले ‘तेलुगू’ फिल्ममा अभिनय गर्न लागेको जानकारी गराएकी हुन् ।  आगामी  बर्षको जुनबाट छायांकनसुरु हुने यस फिल्ममा उनी अडिसनबाट छानिएको समेत जानकारी गराएकी छिन् ।   

एसभीसीसी फिल्मस्को ब्यानरमा बन्न लागेको यस फिल्मको पूजा गर्दै शुभसाइत गरिएको छ ।  तेलुगूका एक्सनस्टार नायक गोपीचन्दको मुख्य भूमिका रहने यस फिल्ममा आफु लिड हिरोइन रहेको र आफूले गोपीचन्दुसँग स्क्रिन शेयर गर्न लागेको समेत जानकारी गराएकी छिन् ।   

बिनु सुब्रह्मण्यमकाे  डेब्यु निर्देशनमा बन्ने यस फिल्म निकै ठूलो बजेटमा निर्माण हुन लागेको बताइएकाे छ । एक्सन थ्रिलर जनरामा निर्माण हुने फिल्ममा मणि शर्माले संगीत रहने बताईएको छ ।   

‘चपली हाइट २’ पछि  रोज, चंगाचेट जस्ता फिल्मम खेलेकी परमिता ‘चंगाचेट’ पछि कुनै पनी  फिल्ममा देखिएकी छैनन् ।