संविधान दिवसको अवसरमा वक्तृत्वकला

असोज २, चितवन ।  संविधान दिवसको अवसरमा चितवनको खैरहनीमा अन्तर कलेजस्तरीय वक्तृत्वकला प्रतियोगिता आयोजना गरिएको छ ।  

दिवसको अवसरमा खैरहनी नगरपालिका र भुवानी शंकर वहुमुखी कलेजले आयोजना गरेको प्रतियोगितामा रामपुर कृषि क्याम्पस खैरहनीकी रचना भुषाल प्रथम भईन् । डेजी आवासीय उच्च माविका शुसिल लामिछाने द्धितिय, भुवानी शंकर बहुमुखी कलेजकी जानुका धमला तृतिय र रामपुर कृषि क्याम्पसकी अस्मिता भुषालले सान्त्वना स्थान हासिल गरेको भुवानी शंकर वहुमुखी कलेजका सहायक कलेज प्रमुख दिपक गौतमले जानकारी दिए ।  

बिजयी विद्यार्थीहरुलाई खैरहनी नगरपालिकाका स्थानीय शिक्षा अधिकारी महेन्द्र पौडेलले पुरस्कृत गरे । उनीहरुलाई स्टेशनरी र मेडलले पुरस्कृत गरिएको थियो । संविधान दिवसको दिन शुक्रवार बिहान राजनितिक दल, उद्योगी व्यवसायी, विभिन्न संघसंस्थाको उपस्थितीमा प्रभातफेरी निकालिने नगरपालिकाका प्रमुख प्रशासकीय अधिकृत पुरुषोतम शर्माले जानकारी दिए ।