प्रतिबन्धित लागूऔषध सहित एक जना पक्राउ
मकालु खबर २०७६ भदौ २२ गते
भाद्र २२, बीरगञ्ज । लागुऔषध नियन्त्रण ब्युरो कार्यालय वीरगञ्जबाट खटिएको प्रहरीले टोलीले प्रतिबन्धित लागूऔषध सहित एकजनालाई पक्राउ गरेको छ ।
प्रहरीका अनुसार बाराको जितपुर सिमरा उपमहानगरपालिका वडा नम्बर १७ बस्ने ३० वर्षीय युवक रमेश चौधरी पक्राउ गरिएको हो ।
लु ४८ प ५२६७ नम्बरको मोटरसाईकलमा सवार चौधरीलाई भारतको रक्सौलबाट वीरगञ्जतर्फ आउँदै गर्दा चेकजाँचको क्रममा वीरगञ्ज महानगरपालिका वडा नम्बर १६ रजतजयन्ती चौकबाट पक्राउ गरिएको प्रहरीले जनाएको ।
प्रहरीले चौधरीको साथबाट लागुऔषध ईन्जेक्सन नुर्फिन १७ पिस, डाईजोपाम १७ पिस, फेनारगन १७ पिस र खैरो हेरोईन २ पुरिया (१ ग्राम) फेला परेको छ ।
प्रहरीका अनुसार हाल चौधरीमाथी अनुसन्धान भइरहेको जिल्ला प्रहरी कार्यालय पर्साले जनाएको छ।
मकालु खबर २०७६ भदौ २२ गते
प्रतिक्रिया
सम्बन्धित
