‘सक्किगोनि’ मार्फत ‘जिग्री’ र ‘पाँडे’ दर्शकसामु आउँदै

भाद्र २६, काठमाडौँ । दर्शकले अति रुचाएको टेलिश्रृङ्खला ‘भद्रगोल’ का कालाकार अब नयाँ  टेलिश्रृङ्खला ‘सक्किगोनि’ मार्फत दर्शकसामु आउने भएका छन् ।   

नेपाल टेलिभिजनबाट प्रशारण हुने ‘भद्रगोल’को मिडिया हवसँग आर्थिक कारोबार नमिलेपछी  ‘भद्रगोल’बाट बाहिरिएका यी कलाकार बाध्य भएर नयाँ  टेलिश्रृङ्खला  ‘सक्किगोनि’ मार्फत आउन लागेका हुन्  ।   

जेपिटी क्रियसन मार्फत निर्माण हुने यस टेलिश्रृङ्खलाको लेखन तथा निर्देशन जिग्री र पाँडेकै रहनेछ भने नयाँ शैली र नयाँ प्रस्तुतिमा शो प्रशारण गर्न लागिएको निर्माण पक्षले जनाएको छ ।   

अब आउन लागेको  टेलिश्रृङ्खला ‘सक्किगोनि’मा भद्रगोलको पहिलेका कलाकार  अर्जुन घिमिरे (पाँडे), कुमार कट्टेल(जिग्री), रक्षा श्रेष्ठ, मधुसुदन पाठक, अशोक धिताल, सागर लम्साल दिपक आचार्य लगायतका कलाकार नै रहनेछन् । 

टेलिश्रृङ्खला ‘सक्किगोनि’ नेपाल टेलिभिजनबाटै आगामी २ गतेबाटै हरेक बिहिबार बेलुकी ८ः५० मा प्रशारण हुने जानकारी गराईएको छ ।