निकको जन्मदिनमा प्रियंकाले राखिन् भावुक स्टाटस

भदौ ३१, काठमाडौं । बलिउड अभिनेत्री प्रियंका चोपडाले श्रीमान् निक जोनासको २७ औँ जन्मदिनमा रोमान्टिक शैलीमा शुभकामना दिएकी छिन् ।   

उनले इन्स्टाग्राममा एउटा भिडियो शेयर गरेकी छिन् । भिडियोको शुरुवातमा निक आफ्नो करिअरको निकै ठुलो पल देखिन्छ । जहाँ उनी आफ्ना फ्यानहरुसँग हात मिलाउँदै गरेको देखिन्छन् । त्यसपछि प्रियंकासँगको रोमान्टिक यात्रा देखिन्छ भिडियोमा ।   

प्रियंकाले भिडियोको क्याप्सनमा लेखेकी छिन्, ‘मेरो जिन्दगीको उज्यालो । तिम्रो साथमा बिताएका प्रत्येक दिन खास लाग्छ । तिमी दुनियाँको हरेक खुशीको योग्य छौ । म जतिसँग मिलेँ, तिनीहरु भन्दा उदार र प्यारो मान्छे भएकोमा धन्यवाद । मेरो भएकोमा धन्यवाद । जन्मदिनको शुभकामना । आई लभ यु निक जोनास ।’ 

३७ वर्षकी प्रियंकाले अघिल्लो वर्ष डिसेम्बरमा अमेरिकी गायक जोनाससँग जोधपुर, राजस्थानको उमैद भवन प्यालेसमा विवाह गरेकी थिइन् ।