युवतीकाे जलेर मृत्युः मृत्यु बन्याे रहस्यमय
मकालु खबर
असोज १, बुटवल । कपिलवस्तुको बुद्धभूमि नगरपालिका वडा नम्वर ६ मौवा बेरिहवाकी एक २५ वर्षिय युवतीको रहस्यमय मृत्यु भएको छ ।
मृत्यु हुनेमा २५ बर्षीया शिलानाउ नाउ रहेकाे प्रहरीले जनाएकाे छ । शिलाले आफ्नो शरिरमा आफै आगो लगाएको भनिएता पनि उनले आत्महत्या गरेकी हुन् या उनको हत्या गरिएको भनेर उनको मृत्यु रहस्यमय बन्न पुगेको हो ।
उनका परिवारले शरीरमा मट्टितेल छर्केर आफै आगो लगाइ आत्महत्या गरेको उनकाे परिवारले बताए पनि उनका माइतीपक्षले उनले आत्महत्या नगरी उनकै परिवारले उनको हत्या गरेको आशंका गरेको कपिलवस्तुका प्रहरी प्रमुख एसपी दीपशमशेर जबराले बताएका छन् ।
५ वर्ष अघी विवाह भएको शिलाको श्रीमान्सँग राम्रो सम्बन्ध नभएको र उनीहरुको कुनै सन्तान नभएको प्रहरीले जनाएको छ ।
प्रहरीका अनुसार शिलाको माइतीपक्षले ज्युँदै जलाएर हत्या गरेको आशंकासहित जिल्ला प्रहरी कार्यालयमा आएपछी अहिले घटनाबारे छानबिन भईरहेको छ ।
मकालु खबर
