अक्षय कुमारकाे ५२ औं जन्मदिनमा ‘पृथ्वीराज’को टीजर सार्वजनिक

भाद्र २४, भारत ।  बलिउड अभिनेता अक्षय कुमारको ५२ औं जन्मदिनको अवसरमा ‘पृथ्वीराज’ फिल्मको टीजर सार्वजनिक गरिएको छ । टीजर सार्वजनिक गर्दै फिल्मको औपचारिक घोषणा गरिएको हो ।  

चन्द्रप्रकाश द्विवेदीको निर्देशनमा बन्न लागेको फिल्ममा अक्षय कुमार फाइनल भएपनि नायिका फाइनल गरिएको छैन । यो फिल्ममा २०१७ की मिस वर्ल्ड मानुषी छिल्लर हुने भन्ने चर्चा चलेको छ ।  

अक्षयले फिल्मको टीजर सेयर गर्दै सामाजिक सञ्जालमा लेखेका छन्, ‘मेरो जन्मदिनमा पहिलो पिरियड ड्रामा फिल्मको बारेमा बताउन पाउँदा निकै उत्साहित छु । सौभाग्यले यो फिल्ममा हिरोको भुमिका निभाउने मौका पाएको छु । सम्राट पृथ्वीराज चौहान मेरो सबैभन्दा ठूलो फिल्ममध्ये एक हो ।’ यो फिल्म यशराज फिल्म्स ब्यानरबाट निर्माण हुँदैछ । 

सार्वजनिक टीजरमा युद्धको मैदानमा पृथ्वीराज चौहान हजारौं सिपाहीको बीच देखाएका छन् । यो फिल्म २०२० को दीपावलीमा प्रदर्शन हुनेछ । अक्षय कुमारको यहि वर्ष रिलिज भएको फिल्म ‘मिशन मंगल’ले राम्रो प्रर्दशन गरिरहेको छ । उनी अभिनित फिल्म ‘हाउसफुल ४, लक्ष्मी बम, गुड न्यूज, सूर्यवंशी र बच्चन पाण्डे’ पनि यहि वर्ष प्रदर्शनमा आउँदैछ । एजेन्सी 

टीजर हेर्नुस् : 

https://youtu.be/usXPIBxtKGE