कपिल शोमा फिर्ता हुने खबर चारैतिर फैलिएपछी दिए सुनिलले यस्ताे प्रतिक्रिया

असाेज १, भारत ।  केही दिनअघि भारतीय हाँस्य कलाकार सुनिल ग्रोवरले एक ट्वीट गरेका थिए । उनको उक्त ट्वीटपछि उनी कपिल शर्मा शोमा फिर्ता हुँदैछन् भन्ने खबर यत्रतत्र फैलियो । 

प्रशंसकको उत्साह पनि दोब्बर भइसकेको थियो । तर अब सुनिल ग्रोवरको प्रतिक्रियाले प्रशंसकका सबै आशा निराशामा परिणत हुने भएको छ । सुनिल ग्रोवरले कपिलको शोमा कमब्याकको खबरलाई निराधार र दिक्क लगाउने किसिमको बताएका छन् । 

हिन्दुस्तान टाइम्ससँगको कुराकानीमा सुनिल ग्रोवरले भने, ‘म यो बुझ्दििनँ कि मानिसहरुले यस्तो अनुमान किन लगाइरहेका छन् किनभने मेरो ट्वीटले यस्तो केही पनि हिन्ट दिएको थिइनँ । यसमा केही पनि वास्तविकता छैन । यस्तो केही पनि हुन लागेको छैन । प्रशंसकले मेरा ट्वीटमा कमब्याक गर्ने कुरा भनेका थिए । तर तपाईंले अनुमानमाथि खबर बनाउन सक्नुहुन्नँ ।’ 

सुनिल ग्रोवरले आफ्नो नयाँ प्रोजेक्टको विषयमा पनि खुलासा गरेका छन् । उनले भने, ‘केही रोचक भने पक्कै हुँदैछ । म केही दिनमा यसबारे घोषणा गर्नेछु । यो वेब स्पेसको लागि हो जसको म प्रतिक्षा गरिरहेको छु । म यतिमात्र भन्न सक्छु ।’ 

सुनिल ग्रोवरको फिर्ताबारे च्यानलको सूत्रले भने, ‘सुनिल कपिल शर्मा शोमा आउने कुनै खबर छैन किनभने कृष्णा अभिषेक कमेडी सिरियलमा छन् । जो सुनिलको ठाउँमा आएका थिए । कृष्णाको कामको प्रशंसा भइरहेको छ । उनको सपना क्यारेक्टरले मानिसहरुलाई मनोरञ्जन प्रदान गरिरहेको छ । सपनाबाहेक अन्य क्यारेक्टर पनि प्रभावकारी रहेका छन् ।’ एजेन्सी