कृषि विकास बैंक चोरी प्रकरणमा थप तीन पक्राउ

असोज १०, काठमाडौँ । शुक्रबार प्रहरीले कृषि विकास बैङ्कको रकम चोरी प्रकरणमा थप तीन जनालाई रकम सहित पक्राउ गर्न सफल भएको छ ।   

पक्राउ पर्नेमा मालतीदेवी न्यौपाने भट्राई, गणेश बस्याल र यज्ञराज भट्टलाई प्रहरीले रहेको प्रहरीले जनाएको छ ।  महानगरीय प्रहरी अपराध महाशाखाको टोलीले उनीहरुलाई बिभिन्न स्थानबाट पक्राउ गरिएको हो   

पक्राउ परेका न्यौपाने र बस्याललाई २४ लाख रकम सहित पर्वतबाट पक्राउ गरेको हो भने भट्टलाई ४६ लाख रकम सहित महेन्द्रनगरबाट पक्राउ गरिएको महानगरीय प्रहरी अपराध महाशाखाका प्रमुख एसएसपी सहकुल थापाले जनाएका छन् ।    

यस चोरी काण्डमा संलग्न अन्य व्यक्तिहरुको तिब्र रुपमा खोजीकार्य भईरहेको प्रहरीले जनाएको छ ।