प्रियंका अघि निककाे सम्बन्ध यस्ता युवतीसँग

भाद्र ३० ।  हलिउड गायक, नायक एवं प्रियंका चोपडाका श्रीमान् निक जोनस सेप्टेम्बर १६ मा आफ्नो २७ औं जन्मदिन मनाइरहेका छन् । निक जोनस र प्रियंका चोपडाको सन् २०१८ डिसेम्बरमा विवाह भएको थियो ।  

प्रियंकाअघि निक जोनसले आफैभन्दा जेठा अन्य नायिकालाई डेट गरिसकेका छन् । निकले एक च्याट शोमा यस्तो गर्नुको कारण पनि बताएका थिए । निक जोनसले सन् २०१३ मा एक च्याट शोमा अहिलेसम्म जति पनि युवतीलाई उनले डेट गरे तीमध्ये सबैभन्दा जेठी ३५ वर्षकी महिला भएको जानकारी दिए । 

निकले यस्तो गर्नुको कारणबारे खुलासा गर्दै भने, ‘किनभने उनीहरुलाई के चाहिन्छ त्यो उनीहरुलाई राम्रोसँग थाहा हुन्छ ।’ 

निकले ५५ वर्षकी नायिका डेमी मुर्सलाई डेट गरिसकेका छन् । रिपोर्टका अनुसार यी दुईको डेमीकी छोरी रुमर मिल्समार्फत् भएको थियो । यसबाहेक निक आफूभन्दा सात वर्ष जेठा अष्ट्रेलियन नायिका डेल्टा गुडरेम  (३३ वर्ष) र १३ वर्ष जेठी केट हड्सन (३८ वर्ष)लाई पनि डेट गरिसकेका छन् । 

यो रोगबाट ग्रसितः 

निक जोनस १३ वर्ष अघि मधुमेहबाट ग्रसित भएका थिए । निक जोनसले सोसल मिडियामा आफ्नो यो रोगबारे खुलासा गरेका थिए । निक जोनसले आफ्ना दुई फोटो सेयर गर्दै लेखेका थिए, ‘१३ वर्ष अघि मलाई टाइप वन डायबिटिज लागेको थाहा भएको थियो । मेरो दायाँपट्टीको फोटो मधुमेह लागेको थाहा भएको केही हप्तापछिको हो । मेरो तौल सय पाउन्डभन्दा कमै थियो ।’ 

निकले आफ्नो पोष्टमा थपे, ‘मैले आफ्नो खान्की पूर्ण रुपमा नियन्त्रण गरेँ । त्यसबाहेक आफ्नो स्वास्थ्यमा पनि मैले विशेष ध्यान दिएँ । मैले दैनिक व्यायाम गरेर आफ्नो ब्लड सुगर परीक्षण गर्दथेँ । मैले अब यो रोगलाई नियन्त्रण गरेको छु ।’ एजेन्सी