सुनसरीमा बसले ठक्कर दिँदा एकको मृत्यु

भाद्र ३१, सुनसरी । मंगलबार बिहान सुनसरी जिललाको खनारमा यात्रुबाहक बसको ठक्करबाट एक साइकल यात्रुको मृत्यु भएको छ ।   

धरानदेखी विराटनगर आउँदै गरेको को १ ख २७४७ नम्बरको गोकुलम यातायातले इटहरी उपमहानगरपालिका १३ स्थित खनार सोमबारेमा ठक्कर दिँदा साइकल यात्रु  मंगलसिंह दमाईको मृत्यु भएको हो। 

बसको ठक्करबाट गम्भिर घाईते भएका दमाईको उपचारको लागि विराटनगरस्थित कोशी अस्पतालमा पुर्याउदा चिकित्सकले  उनलाई मृत घोषित गरेको प्रहरी कार्यालय दुहबीले जनाएको छ।   

बिहान ८ बजे मोरङको रतुवामाई नगरपालिका निवासी ३४ वर्षिय दमाईलाई उनी काम गर्ने जुटमिल नजिकै बसले ठक्कर दिएको हो । मृतक दमाई उक्त जुटमिलमा  हेल्परको काम गर्दै आईरहेका थिए ।