सांग्रिला डेभलपमेन्ट बैंकको १५ औँ वार्षिकोत्सव सम्पन्न

कार्तिक १४, काठमाडौं । सांग्रिला डेभलपमेन्ट बैंक लिमिटेडले आफ्नो स्थापनाको १५ औं वार्षिकोत्सव सम्पन्न गरेको छ ।   

काठमाडौंस्थित बालुवाटारमा केन्द्रीय कार्यालय रहेको सांग्रिला बैंकले आज (बिहिबार) कार्यालयमा आयोजित एक कार्यक्रममा बैंकका प्रमुख कार्यकारी अधिकृत सुयोग श्रेष्ठले केक काटेर वार्षिकोत्सवको उपलक्ष्यमा सबैलाई शुभकामना व्यक्त गरे ।   

सोही अवसरमा बैंकले आफ्नो संस्थागत सामाजिक उत्तरदायित्व कार्य अन्तर्गत बिगतका वर्षहरुमा जस्तै ‘रक्तदान–जीवनदान’ भन्ने भावार्थलाई मनन् गरी रगतको अभाव नहोस् भन्ने उद्देश्यले बैंकको केन्द्रीय कार्यालय, बालुुवाटार, काठमाण्डौंमा भोलि रक्तदान कार्यक्रम गर्ने भएको छ ।   

त्यसैगरी १६ गते शनिबार बैंकका कर्मचारी तथा ग्राहकको उपस्थितिमा प्रभातफेरी कार्यक्रम गर्ने तयारी रहेको बैंकले जनाएको छ । 

बैंकले मुुलुुकभर सातवटै प्रदेशमा गरि ८७ वटा शाखाहरुबाट अत्याधुनिक बैंकिङ्ग सेवा प्रदान गर्दै आइरहेको प्रमुख कार्यकारी अधिकृत सुयोग श्रेष्ठले जानकारी दिए ।