ट्रेलरमा गल्ती भएपछी सलमानकाे फिल्म दबंग थ्रीकाे बन्याे ट्राेल

कार्तिक ९, भारत ।  सलमान खानको फिल्म दबंग थ्रीको ट्रेलर रिलिज भइसकेको छ । यो फिल्ममा जहाँ सलमान खान आफ्नो चिर परिचित अन्दाजमा देखिएका छन् भने फिल्मका निर्माताको एक गल्तीका कारण दबंग थ्री ट्रोल पनि भइरहेको छ । 

वास्तवमा सलमानको फिल्मको ट्रेलरको अन्त्यमा रिलिज डेटमा अंग्रेजीमा लेखिएको डिसेम्बरको स्पेलिङ गलत छ । ट्वीटर प्रयोगकर्ताले यो गल्ती देख्ने बित्तिकै फिल्म निर्मातालाई ट्रोल गर्नथाले । स्मरण रहोस् यसअघि सलमानको फिल्म रेस थ्रीको पनि अत्यधिक ट्रोल गरिएको थियो र यो फिल्मका पनि अत्यधिक मीम्स बनाइएका थिए । 

दबंग थ्री फिल्मको ट्रेलरमा सलमान खान, चुलबुल पाण्डेको भूमिका देखिएका छन् । तीन मिनेट लामो यो ट्रेलरमा एकातर्फ जहाँ उनी गुण्डालाई पिटिरहेको देखिन्छन् भने अर्कोतर्फ कमेडीका साथै रोमान्स पनि देखाइएको छ । विशेष कुरा के हो भने चुलबुल पाण्डे ‘दबंग’ बनेको कहानी पनि देखाइएको छ । ट्रेलर रिलिज हुनेबित्तिकै सलमान खानका प्रशंसकले यसलाई ब्लक बस्टर बताइरहेका छन् । 

महेश मांजरकेरकी छोरी यो फिल्मबाट डेब्यू गरिरहेकी छिन्ः 

सलमान खानको यो फिल्मबाट महे मांजरकेरकी छोरी सई मांजरकेर डेब्यू गरिरहेकी छिन् । ट्रेलरका केही दृश्यमा सलमान खानलाई सई मांजरकेरसँग रोमान्स गरिरहेको पनि देख्न सकिन्छ । साथै, सलमान खानको पनि दुई भिन्न अवतार ट्रेलरमा देखिएको छ । फिल्ममा सोनाक्षी सिन्हा पनि देखिनेछिन् । प्रभुदेवाद्वारा निर्देशित यो फिल्म डिसेम्बरमा रिलिज हुँदैछ । एजेन्सी