किसानलाई प्रलोभनमा पारी करिब १ अर्ब ठगी गरी सम्पर्कविहीन

असोज १५, कञ्चनपुर । एशोसियसन अफ एग्रिकल्चर नेपाल नामक संस्था शुक्लाफाँटा नगरपालिका क्षेत्रका किसानलाई प्रलोभनमा पारेर १९ लाख ५० हजार रकम ठगी गरी सम्पर्कविहीन भएको छ । 

दश वर्षसम्म उन्नतजातको बीउबिजन, तालीम, गोष्ठी, भ्रमण, माटो परीक्षण, सिँचाइ सुविधासँगै खानेपानी उपलब्ध गराउने प्रतिबद्धतासहित किसानबाट रकम उठाएर संस्थाका सञ्चालक सम्पर्कविहीन भएको बताइएको छ ।   

एक हजार २५० बढी किसानबाट दुई हजारका दरले संस्थाका कर्मचारीले रकम उठाएका छन् । प्रतिसदस्यलाई सदस्यता शुःल्कका नाममा रु ५०० र यातायात ढुवानीका लागि रु एक हजार ५०० गरी रु दुई हजार प्रतिकिसानबाट कर्मचारीले असुलेका थिए । 

null

यी सबै कार्यका लागि किसानले ५० प्रतिशत र संस्थाले ५० प्रतिशत रकम व्यहोर्ने कागज तयार गरी रकम लिइएको संस्थाले परिचालन गरेका कर्मचारी अम्बिका जोशीले बताए । विसं २०७५ साउनदेखि १० कर्मचारी परिचालन गरी समूह बनाएर रकम उठाएको उनको भनाइ छ ।   

संस्थाको मुख्य कार्यालय बाँकेको कोहलपुरमा रहे पनि त्यहाँ विवाद आएपछि  सारेर बुटवल पु¥याइएको कर्मचारीको भनाइ छ । त्यसपछि संस्थाका सञ्चालक सम्पर्कमा नआएको बताइएको छ ।   

 किसानबाट उठाइएको रकमबाट कर्मचारीलाई १० प्रतिशत कमिसन दिने शर्तमा उनीहरुलाई राखिएको थियो । संस्थाले रकम उठाएवापतको दिने भनिएको कमिसन थोरै मात्र दिएको कर्मचारी गीता अवस्थीले बताइन् । उनले भनिन्, ‘६० हजार रुपैयाँ जति उठाएर संस्थामा बुझाएवापत कमिसन पाँच हजार रुपैयाँ मात्रै पाइएको छ । 

अर्का कर्मचारी गीतादेवी साहुले ६० किसानबाट एक लाख २० हजार उठाए पनि कमिसनको रकम नपाएको बताइन् । संस्थाका कर्मचारीका अनुसार उठाएको रकम तत्कालीन शाखा प्रमुख शारदा जोरालाई बुझाएको बताएका छन् । वडा नं १० पिपलाडीरोडमा रहेको नविना एग्रोभेटका सञ्चालक कमला चौधरीले संस्थाको शाखा कार्यालयका कर्मचारीविरुद्ध इलाका प्रहरी कार्यालय झलारीमा धानको २० क्विन्टल बीउ खरीदवापतको बाँकी रहेको रु ७५ हजार नदिएपछि उजुरी गरेकी छिन् ।   

बीउ खरीद गरिएको लामो समयसम्म पनि रकम नपाइएपछि प्रहरीमा उजुरी गरिएको उनले बताइन् । धानको बीउको रकम नतिरेसम्मका लागि शाखा प्रबन्धक गोविन्द पाण्डेयको मोटरसाइकल इप्रकामा राखिएको छ । शाखा प्रबन्धक पाण्डेयले रकम संस्थाको कार्यालयमा बुझाएपछि सञ्चालक सम्पर्कमा नआउने गरेको बताए । शाखा प्रबन्धक बन्नका लागि धरौटीवापत रु एक लाख संस्थामा बुझाएको उनले जानकारी दिए ।