फ्राइडे रिलिजमा ‘घामड शेरे’ र ‘जीवन काँडा कि फूल’को भिडन्त
मकालु खबर
कार्तिक २२, काठमाडौँ । शुक्रबारबाट देशभर एकसाथ ‘जीवन काँडा कि फूल’ र ‘घामड शेरे’ प्रर्दशनमा आएको छ ।
यसरी दुई वा तीन नेपाली चलचित्र एकसाथ प्रदर्शनमा ल्याउदा चलचित्र व्यवसायीले घाटा व्यर्र्होनु परेको अवस्था भएपनी कतिपय नेपाली चलचित्रहरु एकसाथ प्रदर्शनमा आईरहेको देख्न पाईन्छ ।
फरक–फरक विषय बस्तुमा तयार पारिएको यस चलचित्र मध्ये ‘घामड शेरे’लाई हेमराज बिसीको निर्देशन गरेका हुन् भने चलचित्र ‘जीवन काँडा कि फूल’ बिनोद बिष्टले निर्देशन गरेका हुन् ।
‘घामड शेरे’
चित्तबुझ्दो शो नपाएपछी २ हप्ता पछि सारेर ‘जीवन काँडा कि फूल’सँग जुधाईएर आजबाट प्रदर्शनमा आएको यस चलचित्रमा नायक निश्चल बस्नेत र नायिका स्वस्तिमा खड्काको मुख्य भूमिका रहेको छ ।
यसका साथै चलचित्रमा सुष्मा निरौला र गौरी मल्ल, बादल भट्ट, लोकेन्द्र लेखक, सरोज अर्याललगायतका कलाकारको पनि भूमिका रहेको छ ।
सोसल ड्रामा जनराको ‘घामड शेरे’ मा विदेशबाट फर्किएपछि ठगिएको एक युवाको संघर्षको कथा समावेश गरिएको छ । चलचित्रले मल्टिप्लेक्समा राम्रै शो पाएको छ ।
चलचित्रलाई निर्देशक बिसीले नै निर्माण गरेका हुन् भने नरेन्द्र मैनालीको छायाँकन गरेका हुन् ।
‘जीवन काँडा कि फूल’
आजैबाट प्रदर्शनमा आएको दोस्रो चलचित्र हो ‘जीवन काँडा कि फूल’ । झमक घिमिरेको पुस्तक ‘जीवन काँडा कि फूल’ मा आधारित राखेर बनाईएको यस चलचित्रमा झमकको अपाङ्गतासँगको जीवन संघर्षको कथा समावेश गरिएको छ ।
३० भन्दा बढी कलाकारको भूमिका रहेको यस चलचित्रमा झमक सानो हुँदाको भूमिका अवस्था थापा र ठूलो भएपछीको भूमिका रोजिता बुद्धचार्यले निर्वाह गरेकी छन् । चलचित्रमा स्वीकृति शर्मा र सारिका घिमिरे, किसन सुनार, उमा गिरी ,मेनुका प्रधानको भूमिका रहेको छ ।
चलचित्रलाई निर्देशक विष्टले नै निर्माण गरेका हुन् । लामो समयदेखि प्रदर्शन मितिको पर्खाइमा बसेर आजबाट प्रदर्शन आएको यस चलचित्रले भने मल्टिप्लेक्स हलमा निकै कम शो पाएको छ ।
मकालु खबर
