सलमान खानद्वारा ‘दबंग –३’ का भिलेनलाई यती महंगो कार उपहार

पुस २४, काठमाडौँ । भारतीय नायक सलमान खानले आफ्नो चलचित्र  ‘दबंग –३’ का भिलेन किच्चा सुदिपलाई कार उपहार दिएका छन् ।   

कार उपहार पाएका किच्चाले सामाजिक संजाल मार्फत उक्त कुरा सार्वजनिक गरेका हुन् ।   

उनले सामाजिक संजाल ट्वीटर मार्फत उपहार पाएको कारमा आफू र सलमान बसेको तस्बिर सेयर गर्दै लेखेका छन् । ‘भारतका स्टारसँग काम गर्न पाउनु निकै ठूलो सम्मानको कुरा हो ।’ उनले क्याप्सनमा अगाडि लेखेका छन्, ‘जब तपाईं राम्रो काम गर्नुहुन्छ तब तपाईंलाई पनि राम्रो नै हुन्छ । सलमान सरले मलाई यो पंक्तिमाथि भरोसा गर्न सिकाइदिनुभयो । जब यो ‘सरप्राइज’ उहाँसँगै मेरो अगाडि थियो ।’ 

उनले अगाडि लेखेका छन्, ‘बीएमडब्ल्यू एम ५… एउटा माया । तपाईंले जुन माया मलाई र मेरो परिवारलाई दिनुभयो त्यसको लागि धन्यवाद ।’ 

बीएमडब्ल्यू नाम रकेको उक्त कारको मूल्य १.५४ करोड रहेको बताईएको छ ।